Ռուբեն Վարդանյանը 10 տարի կանցկացնի բանտում, ևս 10 տարի՝ խիստ ռեժիմի հաստատությունում. ադրբեջանական լրատվամիջոցներ

Ադրբեջանում Լեռնային Ղարաբաղի նախկին պետնախարար Ռուբեն Վարդանյանի դեմ կեղծ գործով ակնհայտ դատավճռի մանրամասներ են ի հայտ եկել։

Ավելի վաղ հաղորդվել էր, որ Վարդանյանը դատապարտվել է 20 տարվա ազատազրկման։

Ինչպես հաղորդել են ադրբեջանական լրատվամիջոցները, Վարդանյանը 10 տարի կանցկացնի բանտում, ևս 10 տարի՝ խիստ ռեժիմի հաստատությունում։

Այսօր Բաքվի ռազմական դատարանը հրապարակել է Ռուբեն Վարդանյանի դեմ դատավճիռը, որով, գործարար, Լեռնային Ղարաբաղի նախկին պետնախարար մեղադրվում է Ադրբեջանում «խաղաղության և մարդկության դեմ հանցագործությունների, ռազմական հանցագործությունների, ահաբեկչության, ահաբեկչության ֆինանսավորման և այլ լուրջ հանցագործությունների» մեջ։

Պաշտպանական կողմը և միջազգային իրավապաշտպան կազմակերպությունները հայտարարել են, որ մեղադրանքները քաղաքական դրդապատճառներ ունեն և կեղծ են, և որ դատավարությունն ինքնին գնահատվում է միջազգային իրավունքի և արդար դատաքննության ոտնահարում։