Սիրիական անցումային կառավարության անվտանգության ուժերը մտել են Հասակե քաղաք

Սիրիական անցումային կառավարության անվտանգության ուժերը մտել են երկրի հյուսիս-արևելյան Հասակե քաղաք, որը ավելի վաղ քրդական «Սիրիական ժողովրդավարական ուժեր» կոալիցիայի վերահսկողության տակ էր: Գործողության մասին հայտնել է Syria TV-ն:

Հեռուստաալիքի տվյալներով՝ Սիրիայի կառավարության և «Սիրիական ժողովրդավարական ուժերի» միջև ձեռք բերված համաձայնագրի շրջանակում քաղաք է ժամանել Ներքին գործերի նախարարության հատուկ նշանակության ուժերի շարասյուն՝ կարգուկանոնը պահպանելու նպատակով: Հաղորդվել է նաև Քամիշլի քաղաք անվտանգության ուժերի տեղակայման նախապատրաստական ​​աշխատանքների մասին:

Հունվարի 27-ին ստորագրված համաձայնագիրը նախատեսում է Սիրիայի ներքին անվտանգության ուժերի տեղակայում հիմնականում քրդերով բնակեցված Հասակեի և Քամիշլիի կենտրոնական շրջաններում: Դրանից հետո նախատեսվում է «Սիրիական ժողովրդավարական ուժերի» ստորաբաժանումների աստիճանական ինտեգրում կառավարական ուժերի և հյուսիս-արևելքում տեղակայված անվտանգության ուժերի հետ:

Ըստ համաձայնագրերի՝ քուրդ մարտիկների երեք սիրիական բանակային բրիգադներ կստեղծվեն Ալ-Ջազիրա շրջանում, իսկ մեկ այլ առանձին քրդական բրիգադ կտեղակայվի Հալեպի նահանգի Այն ալ-Արաբ (Քոբանի) շրջանում: