Արարատ գյուղի Սբ․Հակոբ եկեղեցու բակից հեռացրել են քաղաքացուն, ով թախանձագին ինչ որ բան էր խնդրում Փաշինյանից

Արարատ գյուղի Սբ․Հակոբ եկեղեցում Փաշինյանի՝ պատարագին մասնակցելը հարթ չի ընթացել:

Արարատ գյուղի Սբ․Հակոբ եկեղեցում  տեղի ունեցած պատարագից հետո եկեղեցու մոտ հավաքված քաղաքացիներից մեկը թախանձագին ինչ որ բան էր խնդրում Փաշինյանից: Նրան արագ հեռացրին տարածքից: Չնայած  հավաքվածները պարբերաբար ծափահարում էին Փաշինյանին, սակայն հեռվում լսվում էր բողոքող մեկ այլ քաղաքացու գոռոց ևս:

Նշենք, որ  Փաշինյանն այսօր Արարատ գյուղի Սբ․Հակոբ եկեղեցում Ալեն Սիմոնյանի, նախարարներ Անահիտ Ավանեսյանի, Դավիթ Խուդաթյանի, Գևորգ Պապոյանի, Վահե Հովհաննիսյանի նաև այլ ՔՊ-ականների հետ «պատարագի» էին մասնակցում:

Պատարագը մատուցում էր մեկ այլ եկեղեցու` Արտաշատի քահանա Երվանդ Բաբայանը։ Սուրբ Հովհաննես եկեղեցու հիմնական քահանան` Տեր Հարությունը, Փաշինյանի հայտարարության օրը՝ որ գնալու է Արարատ, արձակուրդ է գնացել։ Տեր Երվանդն Արարատ գյուղ է ուղարկվել Մասյացոտնի թեմից։

Արարատը Վազգեն Սարգսյանի հայրենի գյուղն է։ Եկեղեցու մուտքի մոտ տեղադրվել է նրա անունը կրող հուշաքար։ Ի դեպ, այսօրվա պատարագին մասնակցում էր նաև նրա եղբայրը` Արամ Սարգսյանը։