Կրկին ներողություն ենք խնդրում. Starbucks-ն իր խանութներից հեռացրել է Թուրքիայի դրոշի տակ հայկական տարազով կանանց լուսանկարները

Ամերիկյան սուրճի հայտնի բրենդ Starbucks-ը 2015 թվականին ՀՅԴ Հայ Դատի գրասենյակի  ահազանգի արդյունքում ներողություն էր խնդրել Լոս Անջելեսի հայ համայնքից Starbucks խանութների ցանցում տեղադրված լուսանկարների համար, որոնցում կիսալուսին և աստղ պատկերող թուրքական դրոշի տակ կանգնած են եղել հայկական ավանդական տարազով կանայք:

Հայ Դատի ֆեյսբուքյան պաշտոնական էջը տեղեկացնում է, որ Starbucks-ը կրկին ներողություն է խնդրել տհաճ միջադեպի համար` հեռացնելով բոլոր այդ լուսանկարները:

«Մենք բացթողում ենք թույլ տվել` մեր հաճախորդներին և համայնքին տխրություն պատճառելով, ինչի համար ներողություն ենք խնդրում: Մենք արդեն հեռացրել ենք այդ լուսանկարները»,- ասվում է Starbucks-ի տարածած հայտարարության մեջ: