ԱՄՆ Սենատը 7-րդ անգամ մերժել է կառավարության ֆինանսավորման մասին օրինագծերը

ԱՄՆ Սենատը 7-րդ անգամ մերժել է կառավարության ֆինանսավորումը երկարաձգելու մասին դեմոկրատների և հանրապետականների օրինագծերը՝ չկարողանալով վերջ դնել «շաթդաունին»։ Այս մասին հայտնում է ՌԻԱ Նովոստին՝ հղում անելով C-Span հեռուստաալիքին։

Քվեարկության արդյունքների համաձայն՝ դեմոկրատների օրինագիծը չի անցել՝ ստանալով 47 կողմ, 50 դեմ ձայն: Հանրապետական նախաձեռնության քվեարկությունը դեռ շարունակվում է, բայց այն արդեն չի կարողանա ստանալ անհրաժեշտ 60 ձայնը։

Սենատում ձախողված քվեարկությունների ֆոնին ԱՄՆ-ում «շաթդաունը» շարունակվում է, միլիոնավոր դաշնային ծառայողներ մնում են առանց աշխատավարձի: Տնտեսագետները նախազգուշացնում են, որ եթե կառավարության աշխատանքի արգելափակումը ձգձգվի, դա կարող է հարվածել շուկաներին և խաթարել ամերիկյան տնտեսության նկատմամբ վստահությունը:

Reuters-ի տվյալներով՝ սա վերջին 45 տարվա ընթացքում արդեն 7-րդ դեպքն է, երբ ԱՄՆ-ն բախվում է դաշնային գերատեսչությունների աշխատանքի դադարեցման հետ՝ Կոնգրեսում քաղաքական տարաձայնությունների պատճառով։

Փակուղու գլխավոր պատճառը դեմոկրատների և հանրապետականների միջև տարաձայնություններն են բյուջետային ծախսերի, այդ թվում՝ Ուկրաինային հատկացվող օգնության ֆինանսավորման և միգրացիոն քաղաքականության հարցերում: