Բանակի կազմաքանդումը ոչ միայն սխալների, այլ հենց գործող իշխանության կանխամտածված քաղաքականության արդյունք է. պատգամավոր

ՀՅԴ Շիրակի Մարզային կոմիտեի ներկայացուցիչ, ԱԺ  «Հայաստան» խմբակցության պատգամավոր Մհեր Մելքոնյանը գրում է.

«Վերջին տարիներին մեր բանակը կանգնած է լուրջ մարտահրավերների առաջ՝ ոչ միայն արտաքին, այլև ներքին։

Հայաստանի գործող հակազգային իշխանության ոչ ճիշտ կադրային քաղաքականությունը, ռազմավարության փոփոխությունները, անորոշ բարեփոխումները, մարտական ուղի անցած զինվորականների վարկաբեկումը և ռազմավարական դաշնակիցների վերաիմաստավորումն առաջ են բերում մեկ հստակ հարց՝ արդյոք մեր բանակը ուժեղացվում է, թե՞ քաղաքական որոշումների զոհն է դառնում։

Հայկական բանակի կազմաքանդումը պայմանավորված է ոչ միայն սխալներով, այլ հենց գործող իշխանության կանխամտածված անպատասխանատու քաղաքականությամբ։

Բանակը պետք է լինի ազգային միասնականության և ինքնիշխանության հիմնասյուն, այլ ոչ թե էժանագին քաղաքական խաղերի առարկա»։