Գիրքը պատմում է, թե ինչպե՞ս հայ վրիժառուները հասան անհնարին թվացող նպատակների իրագործմանը․ Հայկ Մարտիրոսյան

Մայիսի 22-ին Հայոց ցեղասպանության թանգարան-ինստիտուտում տեղի ունեցավ «Մարդ եմ սպանել, բայց մարդասպան չեմ» գրքի հայերեն թարգմանության շնորհանդեսը։

Գրքի հեղինակը՝ ավստրիացի լրագրող, նախկին դիվանագետ և իրավաբան Բիրգիտ Քոֆլեր-Բեթշարթն է։ Նա գրքում ներկայացնում է «Նեմեսիս» գործողությունը՝ Հայոց ցեղասպանության կազմակերպիչներին պատժելու հայ վրիժառուների գաղտնի առաքելությունը։

Շնորհանդեսին ներկա էին գրքի հեղինակն անձամբ, թարգմանության և հրատարակման գործով զբաղված Հայոց ցեղասպանության թանգարան–ինստիտուտի ներկայացուցիչները, Սողոմոն Թեհլերյանի հորեբոր որդու Սամվել Թեհլերյանի ծոռնուհին, Ջեմալ Փաշային գնդակահարող Արտաշես Գևորգյանի թոռը, ինչպես նաև մի շարք քաղաքական և հանրային գործիչներ։

Ստորև ներկայացնում ենք Յոհաննես Լեփսիուսի տուն-արխիվի գիտաշխատող, գրքի թարգմանության և հրատարակման նախաձեռնողներից Հայկ Մարտիրոսյանի խոսքը։