Ժողովրդավարական երկրների մեծամասնությունում դրոշի այրումը համարվում է անձի բողոքի արտահայտման իրավաչափ եղանակ․ փաստաբան

Փաստաբան Վարազդատ Հարությունյանն անդրադարձել է նախօրեին Թուրքիայի և Ադրբեջանի դրոշներն այրելու շուրջ քննարկումներին։

«1984թ. օգոստոսի 22-ին 28-ամյա ամերիկացի Գրեգորի Լի Ջոնսոնը, ի նշան Ռեյգանի դեմ բողոքի, այրեց ԱՄՆ դրոշը:

Այդ արարքի համար Տեխասի նահանգային դատարանը դատապարտեց Ջոնսոնին 1 տարվա ազատազրկման և նշանակեց 2000 դոլար տուգանք:

Տարիներ անց` 1989թ. ԱՄՆ գերագույն դատարանը արդարացրեց ամերիկացուն` սահմանելով, որ դրոշ այրելը քաղաքացու բողոքի արտահայտման օրինական միջոց է, որը երաշխավորվում է ԱՄՆ սահմանադրությամբ (1-ին ուղղմամբ):

Ժողովրդավարական երկրների մեծամասնությունում դրոշի այրումը համարվում է անձի բողոքի արտահայտման իրավաչափ եղանակ:

Նկարում Գրեգորի Լի Ջոնսոնն է ԱՄՆ դրոշն այրելիս (1984թ.)»։