ՀՕՊ ուժերը գիշերվա ընթացքում ՌԴ 6 մարզի վրա ուկրաինական 71 անօդաչու են խոցել. ՊՆ

Նախորդ գիշեր ՀՕՊ համակարգերը որսացել և ոչնչացրել են ուկրաինական 71 անօդաչու ՌԴ վեց մարզի վրա։ Այս մասին հայտնել է ՌԴ ՊՆ-ն։

Գերատեսչության տվյալներով՝ ամենաշատ անօդաչուները՝ 49-ը, խոցվել են Կուրսկի մարզի երկնքում։ Եվս յոթ անօդաչու ոչնչացվել է Օրյոլի և Ռյազանի մարզերի օդային տարածքում, չորսը՝ Բրյանսկի, երեքը՝ Վլադիմիրի և մեկը՝ Տուլայի մարզի վրա։

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։