Պուտինն ու Թրամփը Ուկրաինայում արտաքին վերահսկողություն մտցնելու հարց չեն քննարկել. Պեսկով

Ռուսաստանի Դաշնության նախագահ Վլադիմիր Պուտինն ու ԱՄՆ նախագահ Դոնալդ Թրամփը հեռախոսազրույցների ընթացքում չեն քննարկել Ուկրաինայում արտաքին վերահսկողություն սահմանելու գաղափարը։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։

«Հեռախոսային խոսակցությունների ընթացքում, որի մասին մենք ձեզ տեղեկացրել ենք, այդ թեման չի շոշափվել»,- լրագրողներին ասել է Պեսկովը։

Հիշեցնենք՝ ավելի վաղ հաղորդվել էր, որ ՌԴ նախագահ Վլադիմիր Պուտինն առաջարկել է ԱՄՆ-ի, եվրոպական երկրների և Ռուսաստանի «գործընկերների և ընկերների» հետ քննարկել ՄԱԿ-ի հովանու ներքո Ուկրաինայում ժամանակավոր միջազգային կառավարում մտցնելու հնարավորությունը։