Բացվել է ՎիտալՌեհաբ կենտրոնը, որի շահառուներն են Արցախից տեղահանված հաշմանդամություն ունեցող երեխաները

Արցախի թեմի առաջնորդ գերաշնորհ Տեր Վրթանես եպիսկոպոս Աբրահամյանի օրհնությամբ և առաջնորդությամբ այսօր բացվեց ՎիտալՌեհաբ կենտրոնը: Որի շահառուներն են Արցախից տեղահանված հաշմանդամություն ունեցող երեխաները:

Միջոցառմանը ներկա էին Արցախի պաշտոնատար անձինք, Արցախի թեմի թեմական խորհրդի անդամներ, «SOS Արևելքի քրիստոնյաներ» կազմակերպության գլխավոր տնօրեն Բենժամին Բլանշաղի գլխավորությամբ՝  կազմակերպության ներկայացուցիչներ: Վերջինս հանդիսանում է ծրագրի գլխավոր հովանավորը:

Միջոցառմանը ներկա էր Մայր Աթոռի եկեղեցական հայեցակարգային հարցերի գրասենյակի տնօրեն Տեր Վազգեն եպիսկոպոս Միրզախանյանը, որի ձեռամբ կատարվեց տնօրհնեքի արարողություն:

Ելույթ ունեցավ ծրագրի ղեկավար Թուխմանուկ Մկրտչյանը ՝ շնորհակալություն հայտնելով նախաձեռնության աջակիցներին ու բոլոր ներկաներին` այս կարևոր օրն իրենց մասնակցությունը բերելու համար:

Ելույթ ունեցավ Վրթանես Սրբազանը՝ ողջույնի և օրհնության խոսքով:

Արարողության ընթացքում  իր սրտի խոսքը  ներկաներին ուղղեց կենտրոնի շահառուներից  փոքրիկ Լյովան:

Միջոցառմանն արցախյան բարբառով երգեցին «Դիզակ Արտ» կենտրոնի սանիկները:

Ծրագրի մանրամասներին կարող եք ծանոթանալ այստեղ։