Մարսելում գլխավոր հյուպատոսության աշխատակիցները պայթյունից չեն տուժել. ՌԴ դեսպանություն

Մարսելում ՌԴ գլխավոր հյուպատոսության աշխատակիցները պայթյունից չեն տուժել, իսկ Փարիզում ՌԴ դեսպանատունը կապի մեջ է տեղի իրավապահ մարմինների հետ, որպեսզի պարզի դիվանագիտական ​​հաստատության վրա հարձակվողների ինքնությունը։ Նյութական վնաս ևս չի պատճառվել։ Այս մասին ՌԻԱ Նովոստիին հայտնել են Փարիզում ՌԴ դեսպանատնից։

Հիշեցնենք՝ այսօր Մարսելում Ռուսաստանի հյուպատոսության տարածքում պայթյուն է որոտացել։ ՌԴ ԱԳՆ պաշտոնական ներկայացուցիչ Մարիա Զախարովան հայտարարել էր, որ տեղի ունեցած պայթյունները ահաբեկչության տեսք ունեն և նշել՝ Ռուսաստանը պահանջում է, որ ֆրանսիական կողմը սպառիչ միջոցներ ձեռնարկի հետաքննության համար։