Հարավային Սուդանում ավիավթարի հետևանքով զոհվել է առնվազն 18 մարդ

Առնվազն 18 մարդ է զոհվել չորեքշաբթի օրը Հարավային Սուդանի հեռավոր հատվածում փոքր ինքնաթիռի կործանման հետևանքով՝ հայտնում է Associated Press-ը:

Չինական Greater Pioneer Operating Company-ի կողմից վարձակալված ինքնաթիռում եղել է 21 մարդ, այդ թվում՝ երկու օդաչու։ Այս մասին ասել է նավթով հարուստ Յունիթի նահանգի տեղեկատվության նախարար Գատվեչ Բիպալը, որտեղ և ավելի վաղ տեղի է ունեցել վթարը:

Նրա խոսքով՝ ինքնաթիռը կործանվել է նավթային հանքավայրի մոտ՝ դեպի Հարավային Սուդանի մայրաքաղաք Ջուբայի միջազգային օդանավակայան թռիչքի ժամանակ։

Վթարի պատճառները հայտնի չեն, իսկ իշխանությունները դեռ չեն բացահայտել զոհերի ինքնությունը: Տեղական ԶԼՄ-ները հայտնում են, որ ինքնաթիռում նավթագործներ են եղել։