Լոս Անջելեսում նոր հրդեհի պատճառով 31 հազար մարդ է տարհանվել

ԱՄՆ-ի Լոս Անջելեսի շրջանում չորեքշաբթի բռնկված նոր հրդեհըտ արագ տարածվում է՝ ստիպելով տասնյակ հազարավոր մարդկանց տարհանվել: Արդեն իսկ 31 հազար մարդ հեռացել է այդ շրջանից:

Չորեքշաբթի օրը մի քանի ժամվա ընթացքում քամու ուժգնացումից և չոր թփուտներից առաջացած հրդեհի տարածքն աճել է ավելի քան 9200 հեկտարով:

Այն բռնկվել է Լոս Անջելես քաղաքից մոտ 45 մղոն հյուսիս-արևմուտք ՝ Կաստաիկ լճի մոտակայքում՝ լեռնային տարածքում, որը սահմանակից է մի քանի բնակելի թաղամասերի և դպրոցների:

Հրշեջ ծառայության ներկայացուցիչները վստահություն են հայտնել, որ հրդեհը կհաջողվի վերահսկողության տակ վերցնել:

Այս նոր օջախը գտնվում է երկու խոշոր հրդեհներից հյուսիս, որոնք դեռ շարունակվում են, և որոնք այս ամսվա սկզբին ոչնչացրել են Լոս Անջելեսի տարածքում գտնվող մի քանի թաղամասեր: