Լոս Անջելեսում հրդեհի հետևանքով զոհերի թիվը հասել է 10-ի

ԱՄՆ Կալիֆորնիա նահանգում անտառային հրդեհների զոհերի թիվը հասել է տասի։ 

Լոս Անջելեսի շրջանը 180 հազար բնակիչի համար պարտադիր տարհանման հրաման է սահմանել: Կրակի 5 օջախ կա 11000 հեկտար տարածքում: Մոտ 9000 տուն է ոչնչացե։ Նախնական հաշվարկով՝ Լոս Անջելեսում տեղի ունեցած աղետի վնասն արդեն գերազանցում է 55 միլիարդ դոլարը։ ԱՄՆ նախագահ Ջո Բայդենը 100 տոկոս փոխհատուցում է խոստացել 180 օրվա ընթացքում:

Շրջանի հրշեջ ծառայության ղեկավարը խոստովանել է, որ ռեսուրսները նախատեսված են եղել մեկ-երկու խոշոր հրդեհների դեմ պայքարելու համար:

Լոս Անջելեսի իշխանություններն աշխատում են տարածաշրջանում մոլեգնող անտառային հրդեհների պատճառով պարետային ժամ սահմանելու ուղղությամբ։ 

Հրդեհներն արդեն ճանաչվել են Լոս Անջելեսի շրջանի պատմության մեջ ամենակործանարարներից մեկը: Իրավիճակը բարդացնում էր ուժեղ քամին, որը ժամանակավորապես դադարեցրել է օդային թռիչքները։

Օդերևութաբանները կանխատեսում են ուժեղ քամիներ և հաջորդ շաբաթ տարածաշրջանում հրդեհների բարձրացման հավանականություն։