Ուկրաինայի ԶՈւ-ն գնդակոծել է Գորլովկայի բնակելի թաղամասը. կա 9 վիրավոր

Ուկրաինայի զինված ուժերն այսօր առավոտյան գնդակոծել են ԴԺՀ-ի Գորլովկա բնակելի թաղամասը, ինչի հետևանքով վիրավորվել է 9 խաղաղ բնակիչ։ Այս մասին հայտնել է քաղաքապետ Իվան Պրիխոդկոն։

«Գորլովկայի 9 խաղաղ բնակիչ վիրավորվել է «Կոմսոմոլեց» բնակելի տների գնդակոծության հետևանքով», - ասվում է քաղաքապետի Telegram ալիքի հաղորդագրության մեջ։

Գորլովկան գտնվում է Դոնեցկից 50 կիլոմետր դեպի հյուսիս։ Քաղաքում են գտնվում «Ստիրոլ» քիմիական կոնցեռնը և ածուխի արդյունահանման ձեռնարկությունները:

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։