Ուկրաինայի ԶՈւ-ն գիշերը գնդակոծել է Դոնեցկը. կան տուժածներ

Դոնեցկի Կույբիշևսկի շրջանի գիշերային հրետակոծության հետևանքով երկու մարդ է տուժել, տներ և առևտրային օբյեկտներ են վնասվել։ Այս մասին հայտնում է քաղաքապետ Ալեքսեյ Կուլեմզինը։

«Կույբիշևսկի շրջանի գիշերային հրետակոծության հետևանքով բնակելի տներ, ինչպես նաև առևտրային օբյեկտներ են վնասվել Բակինսկի Կոմիսարների փողոցում և Տրուդովիե ռեզերվի պողոտայում։ Նախնական տվյալներով՝ երկու մարդ է տուժել»,– գրել է ԿուլեմզինըTelegram–ի իր ալիքում։

Ավելի ուշ նա նշել է, որ շրջանը հարձակման է ենթարկվել հարվածային անօդաչուներով, ինչի հետևանքով միջին ծանրության վնասվածքներ են ստացել 2006 թվականին ծնված մի երիտասարդ և 1992 թվականին ծնված մի տղամարդ, վնասվել են հինգ բնակելի տներ, ինչպես նաև քաղաքացիական ենթակառուցվածքի օբյեկտ։