կարևոր
1822 դիտում, 6 ամիս առաջ - 2023-10-13 21:51
Աշխարհ

Լիբանանում իսրայելական զորքերը գնդակոծել են լրագրողների մեքենան. զոհվել Է Reuters-ի լուսանկարիչը, ևս 3-ը վիրավոր են

Լիբանանում իսրայելական զորքերը գնդակոծել են լրագրողների մեքենան. զոհվել Է Reuters-ի լուսանկարիչը, ևս 3-ը վիրավոր են

Իսրայելական զորքերը պաղեստինցի արմատականների զինված հարձակումից հետո պատասխան կրակ են բացել Լիբանանի հարավում գտնվող բնակավայրերի մերձակայքում, ինչի հետևանքով լրագրողներ են տուժել։

Ինչպես հաղորդել Է Ալ-Մանար հեռուստաալիքը, Ալմա աշ-Շաաբ շրջանում գնդակոծության է ենթարկվել լրագրողների տեղափոխող մեքենան, որում գտնվել են մի շարք լրատվական գործակալությունների ֆոտոթղթակիցներ և Al Jazeera հեռուստաալիքի նկարահանող խումբը:

Գնդակոծության հետևանքով զոհվել է Reuters գործակալության լիբանանցի լուսանկարիչ Իսսամ Աբդալլան, ևս երկուսը վիրավորվել են և տեղափոխվել հիվանդանոց:

Ավելի վաղ լիբանանյան բանակի մամուլի ծառայությունը հայտնել էր, որ Ալմա ալ-Շաաբի բարձունքներում հրթիռակոծվել է լիբանանցի զինվորականների դիտակետը, սակայն նրանցից ոչ ոք չի տուժել։ Լրագրողները շարժվել են սահմանամերձ այդ հատված՝ նկարահանումներ անելու և ճանապարհին հրետակոծվել: