Սիմոն Մարտիրոսյանը չի մասնակցի աշխարհի առաջնությանը

Ծանրամարտի կրկնակի օլիմպիական փոխչեմպիոն, աշխարհի եւ Եվրոպայի կրկնակի չեմպիոն Սիմոն Մարտիրոսյանը վնասվածքի պատճառով չի մասնակցի աշխարհի առաջնությանը, հաղորդում է ՀԱՕԿ-ի կայքը։

Փաշիկ Ալավերդյանի գլխավորած հավաքականի կազմում ընդգրկված են Գառնիկ Չոլակյանը (61 կգ), Գոռ Սահակյանը (67 կգ), Անդրանիկ Կարապետյանը (89 կգ), Հակոբ Մկրտչյանը եւ Դավիթ Հովհաննիսյանը (երկուսն էլ 96 կգ), Արա Աղանյանը (102կգ), Գարիկ Կարապետյանը եւ Պետրոս Պետրոսյանը (109 կգ), Վարազդատ Լալայանը (երկուսն էլ +109 կգ)։

Կանանց պայքարում կլինեն Ալեքսանդրա Գրիգորյանը (55կգ) եւ Տաթեւ Հակոբյանը (87 կգ):

Ծանրամարտի աշխարհի առաջնությունը կանցկացվի Բահրեյնի մայրաքաղաք Մանամայում դեկտեմբերի 5-15-ը։ Հայ ծանրորդները պայքարը կսկսեն դեկտեմբերի 7-ին։