Ալֆորվիլի փոխքաղաքապետի հետ օրն անցկացրինք Տավուշի մարզում. Գառնիկ Դանիելյան

ՀՅԴ Տավուշի Մարզային կոմիտեի ներկայացուցիչ, ՀՀ ԱԺ «Հայաստան» խմբակցության պատգամավոր Գառնիկ Դանիելյանը գրում է.       

«Ֆրանսիայի Ալֆորվիլ քաղաքի փոխքաղաքապետ, մեր հայրենակից և ՀՅԴ անդամ Գարո Խաչիկյանի հետ օրն անցկացրինք Տավուշի մարզում։

Կիրանցում հանդիպումն անցավ ջերմ և անմիջական մթնոլորտում։ Լսեցինք բնակիչների մտահոգությունները, որոնք հիմնականում կապված էին անվտանգության, սահմանազատման և սահմանագծումից հետո առաջացած խնդիրների հետ։

Կիրանցեցիները նշեցին, որ իրենց համար շատ ողջունելի են նման գործիչների հետ հանդիպումները։

Գարո Խաչիկյանն, իր հերթին, խոստացավ, որ իր լիազորությունների և կարողությունների սահմաններում ամեն ինչ կանի, որպեսզի բարձրաձայնված հարցերը հասնեն ավելի բարձր ատյաններ և լուծում ստանան։

Անչափ կարևորելով այսպիսի այցերը՝ շարունակելու ենք ամրապնդել Սփյուռքի մեր ազդեցիկ հայրենակիցների հետ կապը՝ վերականգնելով նաև Հայաստան-Սփյուռք հարաբերությունները»։