Փոխարժեքներ
18 09 2024
|
||
---|---|---|
USD | ⚊ | $ 387.61 |
EUR | ⚊ | € 431.53 |
RUB | ⚊ | ₽ 4.24 |
GBP | ⚊ | £ 512.07 |
GEL | ⚊ | ₾ 143.56 |
Հունգարիայի մայրաքաղաք Բուդապեշտում անցկացվող Համաշխարհային շախմատային օլիմպիադայի երրորդ տուրում Հայաստանի հավաքականը մրցեց բրազիլացիների հետ և հաղթեց 3:1 հաշվով։ Այդ մասին հայտնում են Հայաստանի շախմատի ֆեդերացիայից;
Հաղթանակներ տարան Շանթ Սարգսյանն (2649) ու Կարեն Հ․ Գրիգորյանը (2569)։
Հայկ Մ․ Մարտիրոսյանը (2667) և Գաբրիել Սարգսյանը (2646) պարտիաներն ավարտեցին ոչ ոքի։
Առաջին տուրում Հայաստանի թիմը 4:0 հաշվով հաղթել էր Մալթայի թիմին, երկրորդ տուրում 3:1 հաշվով պարտության էր մատնել Անդորրայի հավաքականին։
Այսօր կանանց Հայաստանի հավաքականը մրցեց Հունգարիայի երկրորդ թիմի հետ և հաղթեց 3:1 հաշվով։
Մարիամ Մկրտչյանն (2328) ու Էլինա Դանիելյանը (2393) հասան հաղթանակի։
Լիլիթ Մկրտչյանն (2366) ու Սուսաննա Գաբոյանը (2180) վաստակեցին կեսական միավոր։
Առաջին երկու տուրերում Հայաստանի թիմը 4:0 հաշվով հաղթել էր Տրինիդադ և Տոբագոյին և Մեքսիկային։
Օլիմպիադայում մինչև սեպտեմբերի 22-ը կանցկացվի 11 մրցափուլ։ Սեպտեմբերի 17-ին հանգստյան օր է։