«Հայկական ավիաուղիներ»-ը ուղիղ չվերթեր կիրականացնի Երևանից Դելի և հակառակ ուղղությամբ

«Հայկական ավիաուղիներ»-ը նոյեմբերի 15-ից կսկսի ուղիղ չվերթեր Հայաստանից դեպի Հնդկաստան։ Թռիչքները կիրականացվեն շաբաթական երկու անգամ՝ հարմարավետ Airbus 321-200 ինքնաթիռով, որը նախատեսված է 220 ուղևորի համար: Այս մասին հաղորդագրություն է տարածել «Հայկական ավիաուղիներ» ավիաընկերությունը։ 

Յուրաքանչյուր օդանավակայանի համար նշվում է տեղական ժամանակը

Մոսկվայից («Շերեմետևո» օդանավակայան) դեպի Դելի տրանսֆերային թռիչքները՝ ուղևորներին հասանելի կլինեն նաև Երևանից՝ միջանկյալ, տարանցիկ չվերթով։

«Հայկական ավիաուղիներ»-ի առավելություններն են.

• Ձեռքի ուղեբեռ 1 հատ մինչև 7կգ - 55x40x20սմ.

• 90% զեղչ՝ 0-ից 2 տարեկան երեխաների համար

• 15% զեղչ՝  2-ից 12 տարեկան երեխաների համար 

•Նախքան մեկնումը տոմսը փոխանակելու և ինքնաթիռում նստատեղ ընտրելու հնարավորություն։ 

«Ընթացիկ չվացուցակը և տոմսերի ամրագրումները հասանելի են ավիաընկերության պաշտոնական կայքում և ավիատոմսերի վաճառքի գրասենյակներում։

«Հայկական ավիաուղիներ»-ը հիմնադրվել է 2022 թվականի դեկտեմբերին և ներկայում ուղիղ կանոնավոր չվերթեր է իրականացնում Երևանի «Զվարթնոց» միջազգային օդանավակայանից դեպի Բաթումի, Մոսկվա, Սոչի, Միներալնիե Վոդի, Ուֆա և Կազան։