«Տավուշը հանուն հայրենիքի» շարժումը հայտարարում է նոր կոնցեպտով հավաքի մասին

Այս կիրակի` հունիսի 23-ին, ժամը 19:00-ին` նոր կոնցեպտով ՀԱՎԱՔ Սուրբ Աննա եկեղեցու բակում։ Այս մասին տեղեկացնում է «Տավուշը հանուն հայրենիքի» շարժումը։

Նշենք, որ այսօր Տավուշի մարզում Բագրատ Սրբազանը լրագրողներին տեղեկացրեց, որ վաղը հանդիպում է նախատեսված տարբեր խմբերի հետ։ 

«Առաջին հանդիպումը տեղի է ունենալու Գագիկ Մելքոնյանի հետ, որն ահագին ավերվածություններ է գործել բանակում, պետք է պատասխան տա դրա համար։ Երեկոյան էլ հանդիպում կա երիտասարդների հետ։ Պետք է այցելենք նաև կալանավորված անձանց ընտանիքներին»,- հայտնեց Բագրատ Սբազանը։

Հարցին,թե իշխանություններն ասում են, որ մարզերի այցելություններով նախապատրաստվում են 2026թ․-ի Խորհրդարանական ընտրություններին, Սրբազանը ծիծաղեց, հետո՝ ասաց․ «2026թ․-ին Հայաստան կմնա՞, մեղք են իրենք ուղղակի»։