Տավուշի ողբերգությունն ամբողջ Հայաստանով շարունակվող է դառնալու, եթե չկասեցնենք ու էս մարդկանց չճանապարհենք․ վարչապետի թեկնածու

«Տավուշում տեղի է ունենում ոչ թե սահմանազատում, այլ պարզապես հողերի հանձնում։ Եթե այս մարդկանց չկասեցնենք, չուղարկենք իրենց սիրած տեղերը, Տավուշի ողբերգությունն ամբողջ Հայաստանով շարունակվելու է: 10 տարի շարունակ այդ խրամատները, այդ դիրքերը ես տեսել եմ, կարևորությունը, հիմա ի՞նչ է այնտեղ:

Եթե իսկապես բարեմտություն կար, այդ տարածքից թող դուրս գային ադրբեջանցիները, ասեին` լավ, խաղաղություն է կնքվում, որպես բարի կամքի դրսևորում, որ կարողանանք համախոհություն գոյացնել երկու պետությունների միջև, մենք երկու տարի առաջ գրաված այս տասնյակ քառակուսի կիլոմտրերից  նահանջում ենք: Մեկ միլիմետր չեն նահանջելու, դեռ հակառակը` տեսնելով իրենց առաջ ծնկած ստախոսին, անընդհատ ասելու են` առաջ ենք գնում: Ես տարակույս չունեմ, որ սրանք ներողություն են խնդրելու Խոջալուի ողբերգության համար, հետեւաբար մենք շատ կարճ ժամանակ ունենք` աատվելու այս չարիքից և դա տեղի է ունենալու»,- Սուրբ Աննա եկեղեցու բակում հայտարարեց վարչապետի թեկնածու Բագրատ արքեպիսկոպոս Գալստանյանը։