Կեմերովոյում տրամվայի բախման հետևանքով տուժել է 102 մարդ

Ավելի քան 100 մարդ վիրավորվել է, մեկը մահացել է Կեմերովոյում տրամվայի բախման հետևանքով, РИА Новости-ին հայտնել է արտակարգ իրավիճակների ծառայության ներկայացուցիչը։

«Ըստ թարմացված տվյալների՝ տուժել է 102 մարդ, որոնցից մեկը մահացել է»,- ասել է գործակալության զրուցակիցը։

Կեմերովոյի ղեկավար Դմիտրի Անիսիմովն ավելի վաղ հայտարարել էր մեկ մահվան մասին, իսկ Ռուսաստանի առողջապահության նախարարի օգնական Ալեքսեյ Կուզնեցովը РИА Новости-ին ասել է, որ ընդհանուր առմամբ տուժել է 90 մարդ, այդ թվում՝ հինգ երեխա, իսկ 78 տուժածներ տեղափոխվել են հիվանդանոց։

Հիշեցնենք՝ Կեմերովոյում այսօր վաղ առավոտյան բախվել է երկու տրամվայ: Մեկ մարդ մահացել է, կան տուժածներ։