կարևոր
1954 դիտում, 1 ամիս առաջ - 2024-05-20 17:39
Հասարակություն

Երևանում քաղաքացիները ծաղիկներ են խոնարհում Իրանի դեսպանատան առջև

Երևանում քաղաքացիները ծաղիկներ են խոնարհում Իրանի դեսպանատան առջև

Առավոտից Հայաստանի քաղաքացիները ծաղիկներ են խոնարհում և ծաղկեպսակներ տեղադրում Հայաստանում Իրանի Իսլամական Հանրապետության դեսպանատան առջև։

Այսօր երեկոյան նախատեսվում է նաև մոմավառություն՝ ի հիշատակ ավիավթարի հետևանքով զոհված Իրանի նախագահ Էբրահիմ Ռեյիսի, արտգործնախարար Հոսեյն Ամիր Աբդոլլահյանի և նրանց ուղեկցող անձանց։

Դեսպանատանը մայիսի 22-ին կբացվի նաև սգո մատյան։

Հիշեցնենք՝ Իրանի նախագահական ուղղաթիռը երեկ՝ մայիսի 19-ին, «կոշտ վայրէջք» է կատարել Իրանի Արևելյան Ադրբեջան նահանգում, ինչի հետևանքով ուղղաթիռի անձնակազմն ու բոլոր ուղևորները, այդ թվում երկրի նախագահ Էբրահիմ Ռեյիսին ու ԱԳ նախարար Հոսեյն Ամիր Աբդոլլահիանը զոհվել են։