Հարյուրամյակ անց մեր գլուխներն ենք խոնարհում այդ ողբերգության բոլոր զոհերի հիշատակի առջեւ. Վլադիմիր Պուտին

Ռուսաստանը հանդես է գալիս ցեղասպանության ցանկացած դրսեւորման դեմ եւ կոչ է անում միջազգային հանրությանը` դիմագրավել դրանց։ Այս մասին ասվում է «Աշխարհն առանց ցեղասպանությունների» հիշատակի երեկոյի մասնակիցներին ուղղված` ՌԴ նախագահ Վլադիմիր Պուտինի ուղերձում։

«Հայերի եւ տարածաշրջանի մյուս ժողովուրդների նոր սերունդները պետք է ապրեն խաղաղության եւ համաձայնության պայմաններում՝ չիմանալով սարսափների մասին, որոնց հանգեցնում են կրոնական թշնամությունը, ագրեսիվ ազգայնամոլությունն ու այլատյացությունը։ Հարյուրամյակ անց մենք մեր գլուխներն ենք խոնարհում այդ ողբերգության բոլոր զոհերի հիշատակի առջեւ»,- ասել է ՌԴ նախագահը։