Սա մեր գոյաբանական վերջին ճիգն է․ մեր ազգը կործանման շեմին է․ նկարիչ-դիզայներ Նուռ

Բագրատ Սրբազանի գլխավորած շարժմանը միացել է նաև հայտնի նկարիչ-դիզայներ Նուռը։

Yerkir.am-ի հետ զրույցում, շարժմանը միանալու իր որոշումը նա այսպես բացատրեց․ «Սա մեր գոյաբանական վերջին ճիգն է․ մեր ազգը կործանման շեմին է»։

Նշենք, որ քայլերթը մեկնարկել է Կիրանց գյուղից: Քայլերթն անցել է Սարիգյուղով, Իջևանով, շարժման մասնակիցները գիշերել են Հաղարծինի վանքի մոտ:

Քայլերթին է միացել են նաև «Ժողովրդավարական համախմբում» կուսակցության առաջնորդ Սուրեն Պետրոսյանը, ԱԺ պատգամավորներ Գառնիկ Դանիելյանը, Արթուր Սարգսյանը, Ասպրամ Կրպեյանը, Քրիստինե Վարդանյանը, «Հայաքվե» նախաձեռնության անդամներ, 44-օրյա պատերազմում զոհվածների ծնողներ, ուսանողներ և այլք:

Բագրատ Սրբազանը ավելի վաղ հայտարարել էր, որ շարժումը մայիսի 9-ի կեսօրին կհասնի Երեւան եւ կոնկրետ պահանջներ կներկայացնի իշխանությանը:

Շարժման մասնակիցների պահանջն է դադարեցնել իշխանությունների որդեգրած զիջողական քաղաքականությունը եւ միակողմանի զիջումները: