21 05 2024
|
||
---|---|---|
EUR | ⚊ | 421.76 |
GBP | ⚊ | 492.84 |
GEL | ⚊ | 140.96 |
RUB | ⚊ | 4.29 |
USD | ⚊ | 387.97 |
Ուկրաինայի անվտանգության ծառայությունը հայտարարել է Կիևում ռուսական հետախուզության օգտին տեղեկատվական սաբոտաժի մեջ ներգրավված բոտային ֆերմաների լուծարման մասին։ Ձեբակալվել է ուկրաինական պատերազմի մասին զանգվածաբար ապատեղեկատվություն տարածող երկու կազմակերպիչ։
Ուկրաինայի անվտանգության ծառայության տվյալներով՝ կեղծ օգտահաշիվներ են ստեղծվել սոցիալական ցանցերում և մեսենջերներում, մասնավորապես՝ Անվտանգության ծառայության նախագահի և պաշտպանության նախարարության հետախուզության գլխավոր վարչության պետի անունից։ «Իրական» էջերի տպավորություն ստեղծելու նպատակով այս հաշիվները վերահրապարակել են Ուկրաինայի անվտանգության ծառայության և Գլխավոր հետախուզական վարչության պաշտոնական հաղորդագրությունները: Տարբեր շրջաններում բնակվող ուկրաինացիների կեղծ էջեր գրանցվել են նաև Facebook-ում, Twitter-ում, Instagram-ում և Tik-Tok-ում, ինչպես նաև ռուսական «Одноклассник»-ում և «Вконтакте»-ում։
Կազմակերպիչներն ամեն օր գեներացրել են ավելի քան հազար կեղծ օգտահաշիվներ և դրանք կառավարել տանը տեղադրված հատուկ համակարգիչների միջոցով: Չարագործներն իրենց գործողությունները համակարգել են ռուսական հետախուզության ներկայացուցիչների հետ, որոնցից ստացել են դիվերսիոն գործողություններ իրականացնելու «մեթոդական ձեռնարկներ»։