Շենիկը քեզ երբեք չի մոռանա. համայնքապետարանի ցավակցագիրը՝ վարչական ղեկավար Կորյուն Մինասյանի մահվան կապակցությամբ

Խորը վշտով տեղեկացնում ենք, որ մահացել է Շենիկ բնակավայրի վարչական ղեկավար՝ Կորյուն Գարեգինի Մինասյանը: Նա հրաշալի գործընկեր էր,նախաձեռնող էր, միշտ ոգևորում և ոգեշնչում էր ընկերներին իր խորհուրդներով։ Իր մարդկային բարձր հատկանիշների, աշխատասիրության ու նվիրումի շնորհիվ վայելում էր բոլորի սերն ու հարգանքը:

Մեր խորհին ցավակցություններ ենք հայտնում, հարազատներին, ընկերներին, գործընկերներին,ինչպես նաև Շենիկ բնակավայրի ազգաբնակչությանը՝ անդառնալի կորստի համար:

Շենիկը քեզ երբեք չի մոռանա։

Ավելի վաղ հայտնել էինք՝ այսօր 55 տարեկան հասակում վախճանվել է Արմավիրի մարզի Շենիկ գյուղի համայնքապետ Կորյուն Գարեգինի Մինասյանը: Կորյուն Մինասյանի հոգեհանգիստը տեղի կունենա հայրենի Շենիկ գյուղում մարտի 16-ին ժամը 17:00-ից, իսկ հուղարկավորությունը՝ մարտի 17-ին ժամը 13:00-ին։