Նախնական տվյալներով՝ հանկարծամահ է եղել երկրապահ կամավորական Գոռ Ասատրյանը. կատարվում է քննություն

Փետրվարի 12-ին, նախնական տվյալներով, հանկարծամահ է եղել երկրապահ կամավորական՝ 1984 թ․ ծնված Գոռ Ռազմիկի Ասատրյանը։ Այս մասին տեղեկացնում են ԵԿՄ-ից:

Մահվան հանգամանքները պարզելու նպատակով կատարվում է քննություն։

Երկրապահ կամավորականների միությունը խորին ցավակցություն է հայտնում Գոռ Ասատրյանի ընտանիքին, հարազատներին, մարտական ընկերներին։

Փետրվարի 13-ին Ներքին Հանդի հատվածում տեղակայված հայկական դիրքերի ուղղությամբ Ադրբեջանի ԶՈՒ կրակի հետևանքով զոհվել են մարտական հերթապահություն իրականացնող ԵԿՄ անդամներ՝

Էդուարդ Համլետի Հարությունյանը՝ 1974թ․,

Հրաչյա Թալիշի Հովհաննիսյանը՝ 1957թ․,

Գագիկ Վարազդատի Մանուկյանը՝ 1982թ․,

Արսեն Գագիկի Համբարձումյանը՝ 1979թ․։

Վիրավորում է ստացել 1988 թ․ ծնված Ռոստամ Բաղիշի Վարդանյանը, վիճակը գնահատվում է միջին ծանրության, այս պահի դրությամբ կյանքին վտանգ չի սպառնում: