Այսօր տեղի է ունենալու «Վերելք» ծրագրի նոր փուլի ներկայացումը

Սիրելի գործընկերներ,

Տեղեկացնում ենք, որ այսօր` փետրվարի 5-ին, ժամը՝ 19։00-ին, Երևանի Իբիս հյուրանոցում (Հյուսիսային պողոտա 5/1) տեղի է ունենալու ՀՅԴ Բյուրոյի երիտասարդական գրասենյակի նախաձեռնած «Վերելք» ծրագրի նոր փուլի ներկայացումը։

Ծրագիրն իրականացվում է «Օփթիմայզ» խորհրդատվական ընկերության հետ համագործակցաբար և հնարավորություն է ընձեռում արցախցի երիտասարդներին մասնակցել լավագույն մասնագետների կողմից իրականացվող դասընթացներին, ձեռք բերել նոր գիտելիքներ և ամրապնդել արդեն իսկ ունեցածը։

Ծրագրի փուլերը հաջողությամբ ավարտած երիտասարդները ստանալու են ֆինանսական աջակցություն և օգնություն աշխատանքի տեղավորման հարցերում։

Ծրագրի մանրամասները՝  https://www.verelk.am/ կայքում։

Սիրով հրավիրում ենք լուսաբանելու միջոցառումը։