կարևոր
5041 դիտում, 3 շաբաթ առաջ - 2024-02-02 14:45
Իրավական

Ալեն Սիմոնյանի եղբոր կնոջը կալանավորել են, որ Փաշինյանը հայտարարի, թե ինքը չի միջամտում իրավապահների գործին. փաստաբան

Ալեն Սիմոնյանի եղբոր կնոջը կալանավորել են, որ Փաշինյանը հայտարարի, թե ինքը չի միջամտում իրավապահների գործին. փաստաբան

Ալեն Սիմոնյանի եղբոր կնոջը կալանավորելու ամենամեծ սատանայությունը գիտե՞ք որն է.  Երկու մանկահասակ երեխաների մորը կալանավորել են ընդամենն այն նպատակով, որպեսզի Նիկոլ Փաշինյանն իր հերթական ելույթներից մեկում հնարավորություն ունենա հայտարարելու, թե ինքը չի միջամտում իրավապահ մարմինների աշխատանքին ու արդարադատությանը։ Այս մասին Facebook-ի իր էջում գրել է փաստաբան Արսեն Բաբայանը:

«Այսինքն՝ ընդամենը քաղաքական դիվիդենտ ստանալու համար Նիկոլ Փաշինյանը պատրաստ է կալանավորել անգամ իր թիմակցի ընտանիքի անդամին, այն էլ՝ երկու երեխաների մորը։

Սրա վառ ապացույցն է էկոնոմիկայի փոխնախարար կնոջ տնային կալանքը։ Եվ այս տնային կալանքը ոչ թե դատարանն է որոշել, այլ հենց քննչականն է տնային կալանք կիրառելու միջնորդություն հարուցել։

Ես որևէ կերպ չեմ ասում, թե փոխնախարար կինն էլ պիտի կալանավորվեր, ո՛չ։ Նրա նկատմամբ էլ ամենախիստ խափանման միջոցը պետք է հենց տնային կալանքը լիներ։ Բայց նույնը պետք է լիներ նաև մյուս կնոջ նկատմամբ»,- նշել է նա: