Նորմալ հարաբերակցություն ա՞․ Ավինյանին մտահոգեց նորմայից շատ ծնված տղաների թիվը

Երևանի քաղաքապետարանի գործակարգավարական նիստի ժամանակ առողջապահական ծառայությունների կատարած աշխատանքների մասին զեկուցվեց, որ դեկտեմբերին ծնվել է 988 տղա, 856 աղջիկ, իսկ տարվա կտրվածքով՝ 8069 տղա, 7837 աղջիկ: Արձագանքելով հնչեցված վիճակագրությանը Տիգրան Ավինյանն ասաց. «Սեռով պայմանավորված հղիության ընդհատումների մտածելակերպի ժամանակաշրջանը, կարծում եմ, վաղուց անցել է, դա նույնպես պետք է թողնել նախորդ դարում ու նոր տարին սկսել մի փոքր էդ մտածողության փոփոխությամբ:  Անկախ սեռից՝ բոլորն ունեն ծնվելու ու ապրելու իրավունք: Սեռով պայմանավորված հղիության ընդհատումները սխալ բան են, բնության դեմ գործընթաց»: