Ուկրաինայի ՊՆ ղեկավարը «100 տոկոսով վստահ է», որ հնարավոր կլինի վերադարձնել Ղրիմը

Այս խոսքերը նա ասել է Bild-ին տված հարցազրույցում։ Նա պատմել է, որ ինքը ծնվել է Ղրիմի թաթարների ընտանիքում, որն աքսորվել էր Կենտրոնական Ասիա, քանի որ «խորհրդային կառավարությունը տեղահանել է իմ ողջ ժողովրդին»։ Նա վստահ է, որ Ուկրաինան կկարողանա վերադարձնել բոլոր օկուպացված տարածքները, այդ թվում՝ Ղրիմը։

«Ես 100%-ով վստահ եմ։ Սա մեր ռազմավարական նպատակն է. վերադառնալ միջազգայնորեն ճանաչված սահմաններին։ Մենք ի վիճակի ենք դա անել մեր գործընկերների աջակցությամբ»,- ասել է Ումերովը։ «Կասկած չկա, որ մենք հաղթելու ենք»։ Մենք չենք սկսել այս պատերազմը, բայց մենք այն կավարտենք։ Իհարկե, դա դժվար կլինի առանց էլեկտրոնային պատերազմի տեխնիկայի, առանց անօդաչու թռչող սարքերի, առանց հրետանու, առանց արկերի։ Դժվար է, բայց մենք չենք հանձնվի։ Մենք շարունակելու ենք պայքարը»,- ասաց նա։

Պաշտպանության նախարարության ղեկավարը Գերմանիայի իշխանություններին կոչ է արել Ուկրաինային մատակարարել գերմանական Taurus թեւավոր հրթիռներ։ Ընդ որում, նա համաձայն չէ, որ Արեւմուտքի աջակցությունը Կիևին թուլանում է։

«Չեմ կարծում, որ ԱՄՆ-ը հեռանում է», - ասել է Ումերովը։ «Նրանք նաև հասկանում են, որ չարի ուժերը ցանկանում են փոխել աշխարհակարգը։ Նրանք մեզ վստահություն են տալիս, որ մենք կարող ենք հավատարիմ մնալ մեր ծրագրերին»: