Ալավերդիում ՔՊ-ն զավթեց իշխանությունը

Ալավերդու համայնքապետարանում լարված իրավիճակ է: Վաղ առավոտից համայնքապետարանի դիմաց  ստիկաններ են հավաքվել և թույլ չեն տալիս համայնքապետարանի աշխատակիցներին և  աև ընդդիմադիր խմբակցությունների անդամներին մտնել շենք:

«Պատասխանեք՝ ո՞ւմ եք դուք ծառայում։ Մենք արդար ձայն ենք պահանջում, բայց դուք վերևի հրամանով եք աշխատում»,-դիմելով ոստիկաներին՝ ասաց ներկաներից մեկը։

Նշենք, որ այսօր նախատեսված ավագանու նիստում նախատեսվում է քննարկել «Ապրելու երկիր» կուսակցության ներկայացուցիչ Արկադի Թամազյանին անվստահություն հայտնելու գործընթացը: Ամիսներ շարունակ՝ ՔՊ-ն տապալում է ավագանու նիստերը։

«Համայնքապետարանի ներսում միայն ՔՊ խմբակցությունն է, երբ ուզել են, որ ժամին ուզել են՝ մտել են, նրանց որևէ մեկը չի հարցրել, թե ովքեր եք»,-ասաց համայնքապետարանի աշխատակազմի ղեկավար Հարություն Գալստյանը։

Դրսում հավաքվածները վանկարկում են «Թամազյան, Թամազյան»:

«Հակաօրինական գործընթաց է սկվել ոստիկանության աջակցությամբ: Սա ես համարում եմ ժողովրդավարության տապալում»,- ասաց Արկադի Թամրազյանը:

Հիշեցնենք, որ այսօր՝ ժամը 10-ին, Ալավերդիում նախատեսված է ավագանու նիստ։ Անցած շաբաթ օրը ՀԱԿ փոխնախագահ Լևոն Զուրաբյանն ու Մեսրոպ Առաքելյանը համատեղ ասուլիսում բարձրաձայնեցին, որ ՔՊ-ականները ցանկանում են անվստահություն հայտնել Ալավերդիի համայնքապետ Արկադի Թամազյանին։

Կոալիցիոն հուշագրով քաղաքի ղեկավարումն իրականացնում են ՀԱԿ-ն ու «Ապրելու երկիր» կուսակցությունները։