կարևոր
60670 դիտում, 5 ամիս առաջ - 2023-08-26 17:39
Սփյուռք

Կանգնեցրե՛ք Հայոց երկրորդ ցեղասպանությունը․Արցախին աջակցող ակցիա Լոս Անջելեսում՝ ՀՅԴ-ի նախաձեռնությամբ

ՀՅԴ Արևմտյան ԱՄՆ֊ի Կենտրոնական կոմիտեի և Հայ Երիտասարդաց Դաշնակցության նախաձեռնությամբԼոս Անջելեսում՝ Ադրբեջանի հյուպատոսության շենքի դիմաց, մի խումբ հայեր բողոքի ակցիա են իրականացրել՝ ի պաշտպանություն Արցախի։
Հավաքվածները հայտարարել են AirdropsforArtsakh ակցիայի մեկնարկի մասին՝ պահանջելով կազմակերպել ապրանքների առաքումը Արցախ օդային ճանապարհով:

Ադրբեջանի հյուպատոսության շենքի դիմաց միասնական աղոթք է հնչել։ Լոս Անջելեսի հայերը Արցախին պինդ մնալու կոչ են արել ու հորդորել շարունակել պայքարը հանուն ազատության: Հայ Երիտասարդաց Դաշնակցության անդամները կոչով դիմել են միջազգային հանրությյանը՝ պահանջելով թույլ չտալ, որ հայ ժողովուրդը երկրորդ անգամ ցեղասպանվի։

Այնուհետև նրանք երթով շրջել են քաղաքում ՝ «120 000 մարդ շրջափակման մեջ է», «Կանգնեցրե՛ք Հայոց երկրորդ ցեղասպանությունը», և այլ պաստառներով։ 

Ակցիան շարունակվել է միչեւ ուշ գիշեր։