կարևոր
4783 դիտում, 8 ամիս առաջ - 2023-08-09 18:23
Արցախ Հասարակություն

Ադրբեջանական կրակոցներից վնասվել է քաղաքացիական մեքենա Արցախի Ասկերանում, տուժածներ չկան. Արցախի ՆԳՆ

Ադրբեջանական կրակոցներից վնասվել է քաղաքացիական մեքենա Արցախի Ասկերանում, տուժածներ չկան. Արցախի ՆԳՆ

Օգոստոսի 9-ին ոստիկանության Ասկերանի շրջանային բաժնի Շոշի բաժանմունքում հաղորդում է ստացվել, որ ժամը 10:50-ի սահմաններում, Մարտունու շրջանի Սարգսաշեն գյուղի վարչական տարածքում գտնվող ադրբեջանական մարտական դիրքերից հրաձգային տարբեր տեսակի զինատեսակներով կրակել են Ասկերանի շրջանի Սարուշեն համայնքի ցորենի դաշտում աշխատող քաղաքացիական անձանց ուղղությամբ։ Այս մասին հայտնում է Արցախի ՆԳՆ-ն։
Բարեբախտաբար, տուժածներ չկան։
Արձակված կրակոցներից վնասվել է գյուղատնտեսական աշխատանքներում ներգրավված՝ Ա.Ղ.-ի վարած «Ֆորդ-Տրանզիտ» ավտոմեքենայի դիմացի երկու դռների ապակիները։
Գյուղատնտեսական աշխատանքները դադարեցվել են։ Հաղորդումը փոխանցվել է ռուսական խաղաղապահ զորակազմին։