կարևոր
2242 դիտում, 10 ամիս առաջ - 2023-05-19 15:59
Քաղաքական

Ենթադրվող խաղաղության պայմանագրի մի քանի դրույթներով առաջընթաց է արձանագրվել. Միրզոյան

Ենթադրվող խաղաղության պայմանագրի մի քանի դրույթներով առաջընթաց է արձանագրվել. Միրզոյան

Հայ–ադրբեջանական հարաբերությունների կարգավորման համատեքստում որոշակի առաջընթաց արդեն արձանագրվել է ենթադրվող խաղաղության պայմանագրի մի քանի դրույթներով:

«Արմենպրես»-ի հաղորդմամբ՝ այս մասին Հայաստանի, Ռուսաստանի և Ադրբեջանի ԱԳ նախարարների եռակողմ հանդիպման ժամանակ նշեց Հայաստանի արտաքին գործերի նախարար Արարատ Միրզոյանը:

«Հայ–ադրբեջանական հարաբերությունների կարգավորման համատեքստում որոշակի առաջընթաց արդեն արձանագրվել է ենթադրվող խաղաղության պայմանագրի մի քանի դրույթներով: Նշեմ, որ որոշակի փոխըմբռնում կա նաև մի շարք հարցերով, ներառյալ` հաղորդակցության ուղիների ապաշրջափակումը, Ալմա Աթայի հռչակագրի հիման վրա սահմանազատումը և սահմանագծումը»,- ասաց Միրզոյանը:

Միրզոյանն ընդգծեց հետագա էսկալացիաներ, ուժի կիրառում թույլ չտալու կարևորությունը՝շեշտելով, որ Հայաստանը հավատարիմ է երեք երկրների առաջնորդների բոլոր եռակողմ հայտարարություններին։

«Հայկական կողմն այս բանակցություններում կառուցողական աշխատանք է տանելու»,- հավելեց ՀՀ ԱԳ նախարարը։