կարևոր
3064 դիտում, 9 ամիս առաջ - 2023-05-15 20:49
Քաղաքական

Բելառուսի ՀՕՊ զորքերը համար մեկ պատրաստության են բերվել

Բելառուսի ՀՕՊ զորքերը համար մեկ պատրաստության են բերվել

Բելառուսի նախագահ Ալեքսանդր Լուկաշենկոյին երկուշաբթի օրը ռազմաօդային ուժերի և ՀՕՊ զորքերի կենտրոնական հրամանատարական կետ կատարած այցի ժամանակ զեկուցվել է, որ երկրի ՀՕՊ զորքերը շաբաթ օրը բերվել են մարտական պատրաստության համար մեկ աստիճանի, հայտնում է Sputnik Բելառուսը:

«Լուկաշենկոն նշել է, որ զորքերը բարձր մարտական պատրաստության մեջ են արդեն մի քանի օր։ Ինչպես զեկուցվել է նախագահին, շաբաթ օրը միջադեպերից հետո նրանք բերվել են համար մեկ պատրաստվածության աստիճանի», - ասվում է Բելտայի հաղորդագրության մեջ:

Ինչպես հայտարարել Է Լուկաշենկոն, իրեն հետաքրքրում է երկրի շուրջ ստեղծված իրավիճակը և այդ իրադրության զարգացման հեռանկարները: «Համառոտ։ Առանց ահաբեկման: Այն մասին, թե ինչ է կատարվում եւ ինչ ենք մենք ակնկալում կարճաժամկետ հեռանկարում», - ասել Է Լուկաշենկոն՝ պարզաբանելով, թե ինչպիսի զեկույց է ուզում լսել զորահրամանատարներից։