Բելառուսի բանակը բերվել է մարտական պատրաստության բարձրագույն աստիճանի

Բելառուսի Պաշտպանության նախարարությունը բանակի մի մասը կբերի բարձր մակարդակի պատրաստվածության: Այս մասին հայտնում է ՏԱՍՍ-ը՝ վկայակոչելով գերատեսչության մամուլի ծառայությանը:

Բելառուսի զինված ուժերի մի շարք զորամասեր մարտական պատրաստության բարձրագույն աստիճանի կբերվեն բանակի համապարփակ ստուգման երրորդ փուլի ընթացքում, որը սկսվել է երկուշաբթի, օգոստոսի 24-ին:

«Ստուգման ընթացքում նախատեսվում է, որ առանձին զորամասեր մարտական պատրաստության բարձրագույն աստիճանի կբերվեն՝ ներգրավվելով նաև պահեստազորը», - նշվում է հաղորդագրության մեջ:

Նշենք, որ երեկ Բելառուսը հայտնել էր Լիտվայի կողմից սահմանային խախտման մասին։ Բացի այդ երկրում խոսվում է նաև Լեհաստանի կողմից ագրեսսիայի հավանականության մասին։

Երկրում մոլեգնող ցույցերի ֆոնին Ալեքսանդր Լուկաշենկոն հիշեցրել էր, որ երկրի ներսում նման իրավիճակից կարող են օգտվել արտաքին ուժերը։