կարևոր
2827 դիտում, 1 տարի առաջ - 2022-10-15 00:00
Աշխարհ

Թուրքիայի հյուսիսում հանքահորում պայթյունի հետեւանքով երկու մարդ Է զոհվել

Թուրքիայի հյուսիսում հանքահորում պայթյունի հետեւանքով երկու մարդ Է զոհվել

Թուրքիայի հյուսիսում հանքահորում տեղի ունեցած պայթյունի հետևանքով երկու մարդ Է զոհվել, 20-ը՝ վիրավորվել: Այս մասին հայտնել է այդ երկրի առողջապահության նախարար Ֆահրեթթին Քոջան:

Թուրքիայի հյուսիսում գտնվող հանքում պայթյուն է տեղի ունեցել, փլատակների տակ բանվորներ կան, ավելի վաղ հայտնել էր CNN Turk հեռուստաալիքը: A Haber հեռուստաալիքը, վկայակոչելով տեղի իշխանություններին, հայտնում է, որ պայթյունի վայրում 300 մետր խորության վրա գետնի տակ 115 աշխատող է եղել, նրանցից մի քանիսը տարհանվել են: Թուրքիայի հյուսիսում հանքահորում տեղի ունեցած պայթյունից հետո 49 բանվոր է արգելափակվել, հայտնել է Բարտինի նահանգապետ Նուրթաջ Արսլանը: Թուրքիայի ներքին գործերի եւ Էներգետիկայի նախարար Սուլեյման Սոյլուն եւ Ֆաթիհ Դոնմեզը երկրի նախագահ Ռեջեփ Թայիփ Էրդողանի ցուցումով մեկնել են երկրի հյուսիսում գտնվող հանքում տեղի ունեցած պայթյունի վայր:

«Ընթացիկ տեղեկատվության համաձայն՝ երկու քաղաքացի է զոհվել, 20 - ը՝ վիրավորվել Բարթինի հանքահորում տեղի ունեցած պայթյունի հետեւանքով», - գրել է Քոջան Twitter-ում: