կարևոր
385 դիտում, 1 շաբաթ առաջ - 2022-09-21 21:31
Քաղաքական

ՀՀԿ գործադիր մարմնի ներկայացուցիչները ընդունել են գերմանացի մասնագետների խմբին

ՀՀԿ գործադիր մարմնի ներկայացուցիչները ընդունել են գերմանացի մասնագետների խմբին

ՀՀԿ փոխնախագահ Արմեն Աշոտյանը և ՀՀԿ գործադիր մարմնի անդամ, ԱԺ Պաշտպանության և անվտանգության մշտական հանձնաժողովի անդամ Տիգրան Աբրահամյանն այսօր ընդունել են ճանաչողական այցով Հայաստան ժամանած գերմանացի մասնագետների խմբին: Այցը կազմակերպել էր գերմանական հանրահայտ Tageszeitung taz խմբագրությունը։

Հայաստան ժամանած գերմանացի լրագրողներին, իրավաբաններին, բժիշկներին և մանկավարժներին Հայաստանը հետաքրքրում էր ոչ միայն պատմամշակութային տեսանկյունից, այլև քաղաքական-հասարակական, մասնավորապես վերջին օրերին Ադրբեջանի կողմից սանձազերծված ագրեսիան և Հայաստանի անվտանգային հարցերն ու հեռանկարները։

Բանախոսները ներկայացրել են ադրբեջանական ագրեսիայի հետևանքներն ու ապացույցները, խոսել միջազգային կառույցներից և դերակատարներից ունեցած ակնկալիքների մասին։

Քննարկման ընթացքում ՀՀԿ գործադիր մարմնի ներկայացուցիչները ներկայացրել են միջազգային տարբեր հարթակներում իրականացվող աշխատանքները և՛ կուսակցական, և՛ խորհրդարանական դիվանագիտության շրջանակներում։

Քննարկման վերջում բանախոսները պատասխանել են ներկաների հարցերին։