Իրանը հայտարարել է, որ Սիրիայում ռազմական գործողությունները չեն օգնի Թուրքիային՝ ապահովել իր անվտանգությունը

Սիրիայում ռազմական գործողություն իրականացնելը չի օգնի Թուրքիային՝ լուծել իր անվտանգության խնդիրները. հայտարարել է Իրանի ԱԳՆ պաշտոնական ներկայացուցիչ Սայիդ Խաթիբզադեն։

«Իրանը հասկանում է Թուրքիայի մտահոգություններն իր անվտանգության վերաբերյալ, բայց միակ ելքը երկխոսությունն է, հարևանների հետ երկկողմ համաձայնագրերի, ինչպես նաև Աստանայի գործընթացի համաձայնագրերի հարգումը, ներառյալ՝ հարգանքը Սիրիայի տարածքային ամբողջականության, միասնության և ազգային ինքնիշխանության նկատմամբ»,- ասել է նա` մեկնաբանելով Սիրիայի հյուսիսում թուրքական բանակի հնարավոր գործողության մասին տեղեկությունը։ 

Խաթիբզադեի խոսքով՝ «վերջին տարիների փորձը ցույց է տալիս, որ այլ երկրների տարածքում ռազմական գործողությունները ոչ միայն չեն օգնում լուծել առկա խնդիրները, այլեւ ունեն տագնապալի հումանիտար հետեւանքներ եւ բարդացնում են իրավիճակը տարածաշրջանում»։