Փոխարժեքներ 23 11 2024
USD	⚊	$ 389.76
EUR	⚊	€ 406.4
RUB	⚊	₽ 3.79
GBP	⚊	£ 488.37
GEL	⚊	₾ 142.31

կարևոր

Ազգային երիտասարդություն ունենալու հեռանկարով․ ամփոփվեց «Ազգային քաղաքական դպրոցի» 5-րդ շրջափուլը
5 ժամ առաջ Հասարակություն
Փաշինյանի իշխանութունը խորը ճգնաժամի մեջ է․ Վլադիմիր Մարտիրոսյան
7 ժամ առաջ Քաղաքական
Գումարելիների տեղափոխությունից գումարը չի փոխվում. քաղաքացիները` ՏԿԵ հին ու նոր նախարարների մասին
8 ժամ առաջ Հասարակություն
Վանի այցելուների թիվն աննախադեպ կերպով աճել է
8 ժամ առաջ Հասարակություն
Ինչ պայմանով հայերը կարող են վերադառնալ Արցախ․ Հաջիև
9 ժամ առաջ Տարածաշրջան
Արմենուհի Հարությունյանն ազատվել է փոխնախարարի պաշտոնից
9 ժամ առաջ Հասարակություն
Նիկոլը, Էրդողանն ու Ալիևը միասին տանգո են պարում, որի պատճառով ՀՀ-ն վիլայեթացվում է․ Շարմազանով
9 ժամ առաջ Քաղաքական
Այսուհետ Հայաստանը և Չինաստանը ավելի լայն գործառույթներ կիրականացնեն․ Մարիամ Մանուկյան
9 ժամ առաջ Հասարակություն
Արդարացվեց Սրբազան շարժման օրերին հետապնդման ենթարկված ևս երկու մասնակից. փաստաբան
13 ժամ առաջ Իրավական
ՀԲԸՄ֊ի «Կարիերայի նոր հնարավորություններ և հեռանկարներ» խորագրով տոնավաճառը
14 ժամ առաջ Հասարակություն

0 դիտում,

2 տարի առաջ - 2022-05-19 21:45

Քաղաքական

Ազովստալում մոտ 2000 հոգի հանձնվեց. ի՞նչ զարգացումներ են սպասվում

Վերադառնալով Ռուս-Ուկրաինական պատերազմին…

Ազովի գնդի և հարակից ստորաբաժանման ռազմիկները, թվով մոտ 2.000 հոգի, որոնք համառ պաշտպանության էին անցել Մարիուպոլի Ազովստալի գործարանում, իրենց գործնականում արդեն ողջ կազմով ՀԱՆՁՆՎԵՑԻՆ: Գործընթացը սկսվել էր երեկ չէ առաջին օրը և վաղը լիովին կավարտվի: Մարիուպոլը ԼԻՈՎԻՆ ԱՆՑԱՎ ռուսների տիրապետության տակ:

- ՌԱԶՄԱԿԱՆ ԱՌՈՒՄՈՎ՝ սա ազատեց ռուսական զգալի ուժեր, որոնք կտեղափոխվեն Դոնբասյան հարձակման ճակատ, սակայն էական փոփոխություն դրանք այնտեղ ցանկացած դեպքում չեն առաջացնի: Իր հերթին, ուրաինական կողմը կորցրեց մոտ 2.000 մոտիվացված և լավ պատրաստված մարտիկների, որը զգալի կորուստ է, բայց ոչ՝ կործանարար,

- ՔԱՂԱՔԱԿԱՆ ԱՌՈՒՄՈՎ՝ սա ուկրաինական կողմի տեղեկատվական պարտությունն էր, երբ մինչ այդ «հերոսական» ընկալվող ամրությունը, որը հավակնում էր Բրեստի փառքին և անընդհատ ներկայացվում էր Արևմուտքում, դադարեցրեց դիմադրությունը,

- ՆԵՐՈՒԿՐԱԻՆԱԿԱՆ ՔԱՂԱՔԱԿԱՆ ՄԱԿԱՐԴԱԿՈՒՄ՝ սա Զելենսկուն ազատեց իր ազգայնական/ազգայնամոլական հակառակորդների զգալի մասից զուտ ֆիզիկապես, բայց նաև նույն այդ խավի լուրջ թշնամությունն արժեցավ, որոնք պնդում են, թե Կիևն ուղղակի լքեց այս մարտիկներին: Իրականում Զելենսկին չէր կարող օգնել Ազովստալի մարտիկներին, թեև ցանկություն էլ առանձնապես չկար, բայց ազգայնական/ազգայնամոլներին սա չես բացատրի,

- ՆԵՐՌՈՒՍԱԿԱՆ ՔԱՂԱՔԱԿԱՆ ՄԱԿԱՐԴԱԿՈՒՄ՝ սա ռուսների տեղեկատվական խոշոր հաջողությունն էր և հիմա կսկսվի թեմայի զարգացումը՝ այդ թվում կկազմակերպեն հանձնվածների մի մասի դատերը,

- ԲԱՐՈՅԱԿԱՆ ՄԱԿԱՐԴԱԿՈՒՄ՝ ինչպես էլ վերաբերվենք հանձնվողներին գաղափարապես, քաջությունը հարգող քաջ մարդը չպետք է ծաղրի նրանց: Չնայած վերջնական հանձնվելուն՝ այս մարդիկ քաջի գործ արեցին, գործ, որ իրենց ծաղրողներից շատերը գուցե չկարողանային անել,

- ԷԹՆԻԿ ԱՌՈՒՄՈՎ՝ ափսոս, իրոք ափսոս, որ որակյալ այս ռազմիկները, ռուսական էթնոսի ըստ էության մի մասը, ռուսների դեմ էին կռվում՝ իրենց խիզախ համառությամբ ընդամենը միայն մոտեցնելով ռուսական վնասը և Արևմուտքի օգուտը,

- ՇԱՀԵՑ… իսկ շահեց, ինչպես և ողջ պատերազմում շահում է՝ Արևմուտքը: Թող կոտորեն ռուսներն ու ուկրաինացիք իրար, տասնամյակներով դրան ձգտող անգլոսաքսոնական ռազմաքաղաքական տեսաբաններին հենց դա էլ պետք էր, ինչո՞ւ ոչ:

Ստորև նկարում, որն ԻՐԱԿԱՆ Է՝ հանձնվող մարտիկը նկուղի վերևում բացված անցքից… արևի լույս է տեսնում: Ուժեղ նկար է… ափսոս այս մարդկանց:

Մհեր Հակոբյան

Ռազմական փորձագետ