Հունաստանը մտադիր է երկարաձգել ամերիկյան բազաների վերաբերյալ համաձայնագիրը

Հունաստանի իշխանությունները որոշել են հինգ տարով երկարաձգել համաձայնագիրը, որը ԱՄՆ-ին հնարավորություն է տալիս օգտագործելու հունական տարածքում գտնվող ռազմաբազաները։ Այս մասին հայտնում է Associated Press-ը։

Սպասվում է, որ Հունաստանի խորհրդարանը համաձայնագիրը կվավերացնի մեկ շաբաթվա ընթացքում։

Նախատեսվում է, որ ԱՄՆ-ը կշարունակի օգտագործել երեք բազա Հունաստանի մայրցամաքային տարածքում։ Իսկ ԱՄՆ ռազմածովային ուժերը կպահպանեն իրենց ներկայությունը Կրետե կղզում:

Հրատարակությունը նշում է, որ ավելի վաղ Հունաստանի իշխանություններն ամեն տարի թարմացնում էին պայմանագիրը, սակայն այս անգամ որոշեցին այն անհապաղ երկարաձգել հինգ տարով։