ՏԵՍԱՆՅՈՒԹ․ Ձևով՝ հպարտ, բայց բովանդակությամբ դատարկ քաղաքացին որևէ մեկի պետք չէ․ Արա Զոհրաբյանը՝ հավերով ակցիայի ժամանակ

Ձևով՝ հպարտ, բայց բովանդակությամբ դատարկ քաղաքացին որևէ մեկի պետք չէ՝ ըստ Yerkir.am-ի ասաց Ազատագրական շարժման նախաձեռնողներից Արա Զոհրաբյանը Քաղաքացու օրը կազմակերպված ակցիայի ժամանակ, երբ հավեր էին բաց թողել Հանրապետության հրապարակում, որոնց պարանոցներին փակցված էր Փաշինյանի ծաղրանկարը։

«Ազատագրում վախերից և վախկոտությունից» թեմայով ակցիայի մասին նա ասաց, որ 2018 թ-ին, երբ գործող իշխանությունը եկավ՝ բոլորի մեջ վախ սերմանեցին։

«Մենք տեսանք, որ վախկոտները դարձան երկրի համար կարևոր որոշում կայացնող անձինք և հենց վախկոտների ղեկավարմամբ էլ 2020 թ-ին ունեցանք պարտություն։ Այսօր մեր քաղաքացիներին կոչ ենք անում՝ ազատագրվեք վախերից և վախկոտներից, որովհետև վախը մեզ որևէ լավ տեղ չի կարող տանել»,-ասաց Արա Զոհրաբյանը։

Նշենք, որ ապակենտրոն, ցանցային «Դիմադրություն» շարժման պայքարի շրջանակում իրազեկման ակցիաներ են տեղի ունենում մայրաքաղաքի տարբեր հատվածներում։ Զուգահեռ խորհրդանշական 4 վայրերից՝ Իջևանից, Տիգրանաշենից, Սարդարապատից ու Ապարանից արժանապատիվ քաղաքացիները քայլերթերով շարժվում են դեպի Երևան, որպեսզի մայիսի 1-ին միավորվեն համազգային հանրահավաքում։

Մանրամասն՝ տեսանյութում․