ՏԵՍԱՆՅՈՒԹ․ Հայաստանը կանգնած է ճակատագրական ճամփաբաժանի առջև․ Արթուր Խաչատրյանը՝ Ապարան-Երևան քայլերթի վայրից

Չնայած անձրևին՝ Հայաստանի 4 կողմերից դեպի Երևան քայլերթերը շարունակվում են՝ հայտնում է Yerkir.am-ը։

ՀՅԴ անդամ, ԱԺ «Հայաստան» խմբակցության պատգամավոր Արթուր Խաչատրյանը, որը մայրաքաղաք է գալիս Ապարանի բարձունքներից՝ Դրոյի շիրմի մոտից մեկնարկած երթի հետ,  հայտարարեց, որ Հայաստանը կանգնած է ճակատագրական ճամփաբաժանի առջև։

«Ապարանի բարձունքներից շարժվում ենք դեպի Երևան՝ գիտակցելով, որ Հայաստանը կանգնած է ճակատագրական ճամփաբաժանի առաջ․ եթե գնանք սխալ ճանապարհով՝ կկորցնենք այն հայրենիքը, որը կերտվել է մեր հերոսների արյունով, կկորցնենք այն հայրենիքը, որը մենք ուզում ենք կառուցել մեր զավակների համար»,-ասաց Արթուր Խաչատրյանը։

Նշենք, որ ապակենտրոն, ցանցային «Դիմադրություն» շարժման պայքարի շրջանակում իրազեկման ակցիաներ են տեղի ունենում մայրաքաղաքի տարբեր հատվածներում։ Զուգահեռ խորհրդանշական 4 վայրերից՝ Իջևանից, Տիգրանաշենից, Սարդարապատից ու Ապարանից արժանապատիվ քաղաքացիները քայլերթերով շարժվում են դեպի Երևան։

Մանրամասն՝ տեսանյութում․