«Մոսկվա» ռազմական նավի մեկ զինծառայող զոհվել է, եւս 27 - ն անհետ կորել են. ՌԴ ՊՆ

«Մոսկվա» հրթիռային հածանավի վրա բռնկված հրդեհը մարելու փորձի ժամանակ մեկ զինծառայող զոհվել է, անձնակազմի եւս 27 անդամ անհայտ կորած են հայտարարվում, հայտարարել են Ռուսաստանի Պաշտպանության նախարարությունում:

Գերատեսչությունում հիշեցրել են, որ ապրիլի 13-ին բռնկված հրդեհի ժամանակ հածանավը լուրջ վնասվածքներ է ստացել զինամթերքի պայթելու պատճառով, անձնակազմին չի հաջողվել մարել բռնկումը:

«Նավի կենսունակության համար պայքարի ընթացքում զոհվել է մեկ զինծառայող, անձնակազմի 27 անդամ անհետ կորել է։ Անձնակազմի մնացած 396 անդամները տարահանվել են հածանավից Սեւծովյան նավատորմի՝ շրջանում գտնվող նավերի վրա եւ տեղափոխվել Սեւաստոպոլ», — ասված է Պաշտպանության նախարարության հաղորդագրության մեջ: