Զելենսկին պատմել է հատուկ գործողության ընթացքում Ուկրաինայի ֆինանսական կորուստների մասին

Ռուսական հատուկ գործողության արդյունքում Ուկրաինայի կորուստները գնահատվում են 550 մլրդ դոլար, հայտարարել է Վլադիմիր Զելենսկին:

«Շատ նախնական գնահատականներով՝ Ուկրաինան ավերածությունների հետեւանքով կորցրել է 550 մլրդ դոլար», - ասել է Զելենսկին ԱՄՀ-ի եւ Համաշխարհային բանկի գարնանային նստաշրջանի միջոցառումների շրջանակում կայացած կլոր սեղանի ժամանակ:

Նա ասել է, որ Ուկրաինային տնտեսության վերականգնման համար անհրաժեշտ է ամսական մինչեւ 7 մլրդ դոլար: «Ձեր աջակցությամբ մենք արագ կվերականգնենք մեր ազգը, ինչը նշանակում է բիզնեսի նոր հնարավորություններ տարբեր երկրներից», - ասել է նա:

Զելենսկու խոսքերը թարգմանվել են անգլերեն, նա մասնակցել է միջոցառմանը տեսակապի միջոցով։

Իր հերթին Ուկրաինայի վարչապետ Դենիս Շմիգալը հայտարարել է, որ երկրի ՀՆԱ-ն ընթացիկ տարում կարող է ընկնել 30-50 տոկոսով: Ինչպես հայտարարել է նա՝ «նախնական վերլուծությունը ցույց է տալիս, որ ուղղակի եւ անուղղակի կորուստները» ռուսական հատուկ գործողության արդյունքում գերազանցում են 560 մլրդ դոլարը:

«Վերականգնումը եւ վերափոխումը 600 մլրդ դոլար կնստի մեզ վրա», - ասել է Շմիգալը: